२८ चैत, काठमाडौ । गुल्मीको मुसीकोट नगरपालीका वार्ड नं. १ पौदी थामको चीहानडाडाँमा यात्रुबाहक जीप दुर्घटना हुदाँ गुल्मीका पुर्व सांसद रुद्रमणी शर्मा सहित दुई जनाको मृत्यु भएको छ ।
पौदीबाट बाग्लुङको खारा तर्फ गइरहेको लु १ ज १९९७ नम्बरको जीप दुर्घटना भएको नेपाली कांग्रेसका नेता छन्द पहराइले जनाएका छन् । पार्टी कामको शीलशीलामा बाग्लुङ जाने क्रममा गुल्मी क्षेत्र नं ३ का पुर्व सांसद शर्माको जीप दुर्घटनामा मृत्यु भएको पहराले बताए । उक्त दुर्घटनामा मालीका गाउँपालिकाका ८ वर्षीय ओस्कर वि.क को पनि दुर्घटनास्थलमै मृत्यु भएको जिल्ला प्रहरी कार्यालय गुल्मीले जनाएको छ ।
गम्भीर घाइते भएका मालिका गाउँपालिका २ का ३६ बर्षका कमल पुरी, ३२ बर्षीय सुर्य बहादुर थापा, २५ बर्षीया कौशिला थापा र १८ बर्षका नरेन्द्र श्रीसको स्थानी स्वास्थय केन्द्रमा प्राथमीक उपचार पछि जिल्ला अस्पताल तम्घासमा उपचार भइरहेको प्रहरीले जनाएको छ । अन्य ६ जना भने सामान्य घाइते रहेको प्रहरीले जनाएको छ । त्यस्तै मुसिकोट नगरपालिका १ की ३८ बर्षीय रिमा भटराई, सोहि स्थानका ४० बर्षीय भोज बहादुर भटराई, मालिका गाउँपालिका २ का ३ बर्षीय कृतिमा थापा र ५ बर्षमा जेनिस थापा सामान्य घाइते भएको प्रहरीले बताएको छ ।
गुल्मी जिल्ला धुर्कोट गाउँपालिका ५ वस्तुमा जन्मीएका शर्मा २०४८ सालको आमनिर्वाचनमा नेपाली कांग्रेसको तर्फबाट वीजयी सांसद हुन् ।अत्यन्तै भद्र र मीलनसार स्वभावका शर्मा जिल्लामा सर्व स्वीकार्य नेता मानीन्थे । शर्मा नेपाली कांग्रेस गुल्मीका पुर्व सभापति समेत रहीसकेका छन् ।
वि.सं.२०७५ चैत २८ बिहीवार ११:३१ मा प्रकाशित
