हामी सबैकाे संसारन्यूज

२८ चैत, काठमाडौं ।नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले विज्ञान र प्रविधिको क्षेत्रमा आफूलाई खरो उर्तान टेलिकमलाई सुझाव दिएका छन् ।

नेपाल दूरसंचार राष्ट्रिय कर्मचारी संगठनको घोषणासभालाई सम्बोधन गर्दै अध्यक्ष प्रचण्डले अहिलेको अवस्थामा सूचना संचारको क्षेत्रमा विश्वले जसरी ठूल्ठूला क्रान्ति गर्दै अगाडि बढेको छ, त्यसरी नै यो क्षेत्रमा प्रतिश्प्रर्धा गरेर अरुलाई परास्त गर्न सक्नुपर्ने उनले बताएका छन् ।
‘तपाइहरु जुन क्षेत्रमा काम गर्नुहुन्छ, विज्ञान र प्रविधिको सबैभन्दा संवेदनशील र महत्वपूर्ण अंगमा कार्यरत हुनहुुन्छ,’ अध्यक्ष प्रचण्डले कर्मचारीहरुलाई सम्बोधन गर्दै भने, ‘त्यसमा हुने सफलता या असफलता सिंगो राष्ट्रको सफलता र असफलताको मानक हो । तपाइहरुको जिम्मेवारी र यो क्षेत्रको जिम्मेवारी धेरै ठूलो छ ।’

अहिलेको २१ औं शताब्दिको युग ग्लोवलाइजेशनको युग भएकोले संसारभरीका मानिसहरु संसारको कुनै पनि कुनामा पुगेर प्रतिश्पर्धामा खरो उत्रने र आफूलाई सवल सावित गर्ने थुप्रै अवसर, निकै ठुलो जटिलता र चुनौती पनि भएको यो अवस्थामा प्रतिश्पर्धामा खरो उत्रनुका साथै टेलिकमले आफूलाई राष्ट्रहितमा राष्ट्रिय खम्बाको रुपमा उभ्याउनेमा आफू विश्वस्त रहेको बताए ।

अध्यक्ष प्रचण्डले दुई अलग–अलग रुपले काम गरेका संगठनहरुलाई एकताबद्ध गर्ने काम राम्रो भएको र त्यो एकतालाई अझ सुदृढ गर्नका लागि निश्चित अवधि भित्र अधिबेशन गर्ने तयारीका साथ गरिएको एकता निकै नै सकारात्मक भएको पनि बताएका थिए ।
उनले समग्र कर्मचारीको हित तथा टेलिकमका बारेमा राखिएका समस्याका बारेमा आफूले गम्भीरताका साथ हेर्ने र मन्त्री, प्रधानमन्त्रीसँग सल्लाह गरेर यसमा सुधारका प्रयत्नहरु गर्ने पनि बताएका थिए ।

अध्यक्ष प्रचण्डले देशमा विभिन्न राजनीतिक परिवर्तन भएपनि वास्तविक जीवनमा जनताले पविरर्तनको अनुभुत गर्ने गरी गति दिन नसकेको बताएका छन् । नीति निर्माणमा पुरातन शैली हावीभएको देखिएकोले प्रगतिमा भन्दा पनि दुर्गतितिर गएको देखिएको समेत बताएका थिए ।