२८ चैत, काठमाडौं । आठौं राष्ट्रिय खेलकुदको पहिलो स्वर्णपदक नेपाल प्रहरीको पोल्टामा परेको छ ।
पाँच नम्बर प्रदेशले आयोजना गरेको राष्ट्रिय खेलकूदको उद्घाटन बैशाख ५ मा हुने भनिएपनि पाँच खेल बुधबारबाटै सुरु भएका हुन् । टेवल टेनिसमा भएको प्रतिश्प्रर्धामा नेपाल प्रहरीको पुलिस क्लबले सशस्त्र प्रहरी एपिएफलाई ३–१ अन्तरले पराजित गर्दै खेलकै पहिलो स्वर्ण जितेको हो ।
राष्ट्रिय टिम च्याम्पियन नविता श्रेष्ठले एपिएफकी सेलीसा खड्गीलाइई ३–१ ले पराजित गरी पुलिसका लागि स्वर्ण पदक पक्का गरेकी छन् ।
यसैबीच हक्कीमा पनि दुवै विभागीय टिमले आ–आफ्नो जित दर्ता गरेका छन् । भर्खरै नेपालगन्जमा सम्पन्न खेलमा पुलिस क्लवले प्रदेश ४ लाई र आर्मी क्लवले प्रदेश ३ लाई पराजित गरी आफ्नो जित दर्ता गरेका छन् । पुलिसले प्रदेश ४ लाई ५–० ले हराउँदा आर्मिले प्रदेश २ लाई १–० ले हराएको छ ।
वि.सं.२०७५ चैत २८ बिहीवार १७:५५ मा प्रकाशित
