हामी सबैकाे संसारन्यूज

३० चैत, काठमाडौ । बालुवाटारस्थित सरकारी सम्पत्ति ललितानिवासको जग्गा हिनामिना प्रकरणमा प्रहरी छानबिनमा रहेका भाटभटेनी सुपरमार्केटका अध्यक्ष मीनबहादुर गुरुङ सुप्रबल जनसेवाश्री तृतीष् बाट सुशोभित हुने भएका छन् ।

नेपाल प्रहरीको केन्द्रीय अनुसन्धान ब्युरो सिआइबी को छानबिनमा रहेका गुरुङ आइतबार राष्ट्रपति विद्यादेवी भण्डारीबाट सुप्रबल जनसेवाश्री तृतीय पदकबाट सुशोभित हुने छन् । यसपालि तीन सय ४३ जनाले विभिन्न पदक पाएका छन् ।गुरुङसहित २ दर्जन बढी व्यापारी, भूमाफिया तथा कर्मचारी सरकारी ललितानिवासको १ सय १३ रोपनी ३ आना हिनामिना प्रकरणमा छानबिनमा छन् ।

गृह मन्त्रालयका अनुसार सुप्रबल जनसेवाश्री तृतीष् पाउनेको सूचीमा गुरुङको नाम ७२ औ नम्बरमा छ । उपप्रधान तथा रक्षमन्त्री ईश्वर पोखरेल अध्यक्ष रहेको विभूषण छनोट समितिको सिफारिसअनुसार गुरुङसहित विभिन्न पेसा व्यवसायमा संलग्न ९६ जना आइतबार सुप्रबल जनसेवाश्री तृतीयाबाट सुशोभित हुँदैछन् ।शुक्रबारको नागरिक दैनिकमा मातृका दाहालले लेखेकी छन् ।