Sansar News
१ बैशाख, काठमाडौं । तेञ्जिङ हिलारी विमानस्थल लुक्लामा समिट एयरको विमान दुर्घटना हुँदा तीन जनाको मृत्यु भएको छ ।
मृत्यु हुनेमा विमानका सहचालक एस ढुङ्गाना र सुरक्षामा खटिएका पर्यटक प्रहरी (असईद्धय) रामबहादुर खड्का र रुद्र बहादुर श्रेष्ठको मृत्यु भएको रहेको नागरिक उड्डयन प्राधिकरणले जनाएको छ ।
घाइते रहेका श्रेष्ठको उपचारका लागि काठमाडौं ल्याउने क्रममा मृत्यु भएको पनि प्रहरीले जनाएको छ ।
लुक्लाबाट रामेछापका लागि बिहान ९ बजेर २० मिनेटमा उड्न लागेको समिट एयरको नाइन एनएएमएच विमान धावनमार्गमा चिप्लिएर दुर्घटना भएको प्रहरीले जनाएको छ ।
वि.सं.२०७६ वैशाख १ आइतवार १३:३१ मा प्रकाशित
