३ बैशाख, काठमाडौ । नेकपा मालेका महासचिव सिपी मैनालीले सरकार असफल बन्दै गइरहेको आरोप लगाएका छन । इतिहासकै सर्वाधिक शक्तिशाली सरकार भएपनि केपी ओली नेतृत्वको सरकार लम्पसार र आत्मसर्मपणवादी बन्दै गएको टिप्पणी मैनालीले गरेका छन् ।
देश भन्सार राजस्व र रेमीट्यान्सबाट मात्रै चलेको आरोप मैनालीको छ । राम्रो घोषणा पत्र ल्याएर जनअभिमत प्राप्त गरेको सरकार सर्वसत्तावादी बन्दै आफ्नै घोषणापत्र र आफैलाई निर्वाचीत गर्ने जनतालाई लत्याइरहेको मैनालीले बताए ।
नागरिकताको विषयमा सरकारले पुरै आत्मसमर्पण गरेको आरोप मैनालीको छ । संसारन्युज सँगको साक्षत्कारमा मैनालीले सरकार पुर्णत भारतीय विस्तारवादको दलाल बन्दै गएको बताए । एकातिर दैनिक राज्यसत्ता चलाउने भन्दा अन्य श्रृजनात्मक काम गर्न नसक्नु, अर्कोतर्फ बुर्जुवा सर्वसत्तावादी चरित्र देखाउनुले ओली सरकार कम्युनिष्ट सरकार नरहेको मैनालीको तर्क रहेको छ । ओली सरकार पुर्णत अमाक्र्सवादी रहेको समेत मैनालीले बताए ।
एक अर्को प्रसङ्गमा मैनालीले देशमा रहेका राजनीतिक दलहरु एकपछि अर्को गर्दै असफल हुँदै जादा रिपब्लीकन मोनार्कीले प्रवेश पाउने खतरा समेत रहेको बताएका छन् । वर्तमान राजनीतिक दलहरुबाट देशको भलो हुने काम हुन नसक्दा त्यस्तो सम्भावानालई नर्कान नसकिने मैनालीको तर्क रहेको छ । मैनालीले प्रष्ट पार्दै भने जब जनअभिमत पाएकाहरुबाटै जनताले आशातित काम भएको महशुस गर्दैनन त्यस्तो बेला अभिजात वर्गको उदय हुन सक्छ ।
वि.सं.२०७६ वैशाख ३ मंगलवार १२:१५ मा प्रकाशित
