५ चैत्र, काठमाडौँ । चालु आर्थिक वर्षको आठ महिनामै ५ खर्ब ८२ अर्ब १९ करोड विप्रेषण देशमा भित्रिएको छ । सन् २००० को दशकबाटै राष्ट्रिय आयको महत्वपूर्ण हिस्सा रहँदै आएको विप्रेषण प्रत्येक वर्ष बढ्दो छ । चालु आवमा अमेरिकी डलको मुल्यमा आएको बृद्धिसँगै विप्रेषण आप्रवाह पनि बढेको राष्ट्र बैंकले बताएको छ ।
वैदेशिक रोजगारीमा जानेको संख्या एक तिहाईले घलेपनि विप्रेषण आप्रवाह भने बढेको छ । गत आर्थिक वर्षमा ७ खर्ब २२ अर्ब विप्रेषण आप्रवाह रहेको थियो । गत आवका पहिलो आठ महिनामा ४ खर्ब ५७ अर्ब ८८ करोड विप्रेषण देशमा भित्रिएको थियो ।
भित्रिदैन विप्रेषण मात्रै
खुशी जीवनको सपना बोकेर बैदेशिक रोजगारीमा जानेहरुले देशमा पठाएको विप्रेषणबाट देशको महत्वपूर्ण आर्थिक गतिविधि चलिरहेको छ । तर पछिल्लो समय वैदेशिक रोजगारीमा गएका नौजवानहरुले विप्रेषण मात्रै देश बढाइरहेका छैनन्, सुनौलो सपना सोचेर वैदेशिक रोजगारीमा जानेहरुका सपना बाकसमा कैद भएर आइरहेका छन् ।
एक्लै परदेशी भूमिका पुगेका कयौँ युवतीहरुले रोग, शारीरिक र यौनिक शोषणपछि कोखमा सन्तान पनि बोकेर फर्किइरहेका छन् । सन् २०१० देखिको तथ्याङ्क हेर्दा ३० भन्दा बढी महिला अरबी मुलका मानिसहरुबाट बलात्कृत भएपछि जन्मिएका बच्चासहित स्वदेश फर्किएका छन् । यस्तै ५० महिला गर्भवती बनेर फर्किरहेका छन् ।
वि.सं.२०७६ वैशाख ५ बिहीवार १३:१८ मा प्रकाशित
