६ बैशाख, दोलखा । पूर्वप्रेमीसँग मिलेर श्रीमान्सँग पैसा असुल्ने योजना बनाएको एक जोडी नक्कली अपहरणको एक जोडी नक्कली अपहरणको आरोपमा पक्राउ परेको छ । दोलखाको मेलुङ गाउँपालिका २ की अप्सरा कार्की र भीमेश्वर नगरपालिकाका ९ पिडालुबारीका दीपक खत्री नक्कली अपहरण गरी लाभ लिन खोजेको आरोपमा पक्राउ परेका हुन् ।
दोलखा प्रहरीका सूचना अधिकारी प्रहरी निर्देशक रेशम बोहराका अनुसार श्रीमानसँग पैसा असुल्ने योजना बनाएकी कार्की र उनका प्रेमी खत्रीलाई बुधबार पक्राउ गरेको हो ।
पक्राउ परेको कार्की बैशाख १ गते घरबाट शैलुङ गाउँपालिका ८ स्थित माइतीघर जान्छु भनी गएकोमा केही घण्टामै सम्पर्कबिहीन भएकी थिइन् । बैशाख २ गते सोमबार काठमाडौमा काम गर्ने श्रीमान सूर्यबहादुर खड्काको मोबाइलमा अपरिचत नम्बर र श्रीमतीको मोबाइल नम्बरमा छुट्टाछुट्टै तर एउटै व्यहोराको म्यासेज गरी श्रीमती कार्की अपहरणमा परेको धम्बीसहित एक लाख फिरौता माग गरिएको प्रहरीले जनाएको छ । शुक्रबारको अन्नपुर्ण पोष्ट दैनिकबाट ।
वि.सं.२०७६ वैशाख ६ शुक्रवार ०७:५१ मा प्रकाशित
