हामी सबैकाे संसारन्यूज

७ बैशाख, काठमाडौं । छोराछोरी पढाउन सहर पसेका जाजरकोट कुसे गाउँपालिका ३ का कर्णलाल जैसी यतिबेला गाउँ फर्कने सोचमा छन् ।

३ छोराछोरी पढाउने योजना त्यागेर उनी वर्षदिन नपुग्दै गाउँ फर्किने निष्कर्षमा पुगेका हुन् । सरकारले बैशाख २ देख १६ गते सम्म्लाई विद्यार्थी भर्ना अभियान घोषणा गरेको छ ।

प्रधानमन्त्रीदेखि मन्त्री, सांसद, जनप्रतिनिधि, शिक्षासेवी, अभिभावकत्व ग्रहण गरेर असहाय बालबालिकालाई गत वर्ष देखिनै विद्यालय भर्ना गराएका छन् । तर, ‘पाटन’ उपनामले चिनिएका पुर्व लडाकु जैसीका न छोराछोरी विद्यालय भर्ना गराउने सामथ्र्य छ न त अभिभावकत्व लिइदिने कुनै भरपर्दा सहयोगी नै भेटेका छन् । त्यसैले उनी शैक्षिक सत्रदेखि सिंहदरबारमा विभिन्न मन्त्रालय धाइरहेका छन् ।

शुक्रबार दिउँसो शिक्षा मन्त्रालयमा भेटिएका उनले भने, ‘छोराछोरी पढाउन नसकिने भइयो, गाउँ फर्कन लागेको छु ।’ शनिबारको कान्तिपुर दैनिकमा सुदीप कैनीले लेखेका छन् ।