हामी सबैकाे संसारन्यूज

८ बैशाख, काठमाडौ । शनिबार राति भएको इण्डियन प्रिमियम लिग आइपियलको खेलमा सन्दिप लामिछानेको टिम दिल्ली क्यापिटल विजयी भएको छ ।

क्रिकेटर सन्दिप लामिछानेको तीन विकेटसँगै दिल्ली क्यापिटलले शनिबार छैटौ जित हासिल गरेको हो ।

दिल्लीको घरेलु मैदान फेरोज शाह कोट्लामा भएको खेलमा दिल्ली क्यापिटलले टस जितेर पहिलो फिल्डिङ रोजेको थियो । किंग्स ११ पन्जावलाई ५ विकेटले हराएको हो । यो सँगै १० औं खेलमा दिल्ली क्यापिटलको छैटौं जित हो भने पंजावको पाँचौ हार हो ।

पहिलो ब्याटिङ गरेको पन्जवले २० ओभरमा ७ विकेट गुमाएर १६४ रन बनाएको थियो । साथै १६४ रनको लक्ष्य पाएको सन्दिपको टिम दिल्ली क्यापिटलले १९.४ ओभरमा ५ विकेटको क्षतिमा १६६ रन बनाउँदै छैटौ जित हासिल गरेको हो ।

दिल्ली क्यापिटलको जितका लागि कप्तान श्रेय अयेरले ४९ बलमा पाँच चौका र एक छक्काको सहयोगमा सार्वाधिक ५८ रन बनाउन सफल भएका थिए भने श्रेयसले दोस्रो विकेटका लागि ४१ बलमा ७ चौका र एक छक्का सहित ५६ रन बनाएका थिए । साथै ओपनर शिखर धवनसँग मिलेर ९२ रन जोड्दै दिल्लीको जितको आधार बनाएका थिए ।