Sansar News
९ बैशाख, काठमाडौं । राष्ट्रिय प्रजातन्त्र पार्टी (राप्रपा) ले सरकारको पहलकदमीलाई सकारकात्मक मान्दै तीन सदस्यीय वार्ता समिति गठन गरेको छ ।
राप्रपाले सरकारसँग वार्ताका लागि दिपक बोहोराको संयोजकत्वमा महामन्त्री राजेन्द्र लिङदेन र नेता निरञ्जन थापा रहेको वार्ता समिति गठन गरेको हो ।
राप्रपाले फागुन ७ गते नेपाल सरकार समक्ष पेश गरेको २२ बुँदे मागका सम्बन्धमा सरकारका तर्फबाट कानुनमन्त्री भानुभक्त ढकालले बैशाख १० गते मंगलबारका लागि वार्ताका लागि पत्र पठाएको भन्दै उक्त पहलकदमीलाई सकारात्मक रुपमा लिएको राप्रपाले जनाएको छ ।
राप्रपाका प्रचार विभाग प्रमुख मोहन श्रेष्ठद्धारा सोमबार जारी गरिएको विज्ञप्तिमा भनिएको छ, ‘राप्रपाले आज सरकारसँग वार्ता गर्न पार्टीका नेता दिपक बोहोराको संयोजकत्वमा महामन्त्री मा. राजेन्द्र लिङदेन र नेता निरञ्जन थापा रहनु भएको ३ सदस्यीय वार्ता समिति गठन गरेको छ ।’
वि.सं.२०७६ वैशाख ९ सोमवार १३:१५ मा प्रकाशित
