१० बैशाख, काठमाडौं । पर्वतारोहणमा गएका पर्वतारोहिले विना अनुमति विना ड्रोन प्रयोग गरिएको भन्दै पर्यटन विभागले आपत्ति जनाएको छ ।
पर्यटन विभागबाट पर्वतारोहणका लागि अनुमति लिएर गएका पर्वतारोहीले जथाभावि ड्रोन प्रयोग गरिरहेको भन्दै विभागले ड्रोन क्यामेरा जफत गरिने र कानुन बमोजिम कारबाही गरिने कडा चेतावनी समेत दिएको छ ।
‘पर्वतरोहणमा जाने पर्वतारोहिलाई व्यवस्थित गर्ने ट्राभल÷ट्रेकिङ तथा पर्वतारोहण सम्बन्धी काम गर्ने एजेन्सीले आफू अन्र्तगत रहेर आरोहण अनुमति लिएका पर्वतारोहिलाई अनुमति नलिइ ड्रोन प्रयोग गर्न गराउन दिइएको पाइएमा ड्रोन प्रयोगकर्ता पर्वतारोही र सम्बन्धित ऐजेन्सीलाई समेत प्रचलित कानून बमोजिम कारबाही गरिने व्यहोरो सूचित गरिन्छ ।’ विभागकी निर्देशक मिरा आचार्यद्धारा मंगलबार जारी गरिएको विज्ञप्तिमा भनिएको छ ।
वि.सं.२०७६ वैशाख १० मंगलवार १८:४१ मा प्रकाशित
