Sansar News
११ बैशाख, काठमाडौं । श्रम मन्त्रालयले ७ प्रदेशका नगरप्रमुख र अध्यक्षका लागि सूचना जारी गरेको छ ।
सरकारद्धारा संघ, प्रदेश र स्थानीय तीनै तहबाट कार्यान्वयनमा ल्याइएको प्रधानमन्त्री रोजगार कार्यक्रम २०७५ सञ्चालनका लागि पारस्कारिक सहयोग, सहकार्य र समन्वय कायम गर्नका लागि निम्न मिति र स्थानमा उपस्थिति हुन मन्त्रालयले अनुरोध गरेको छ ।
‘प्रधानमन्त्री रोजगारका कार्यक्रम सञ्चालन निर्देशिका २०७५ को दफा ९१ बमोजिम यस मन्त्रालय, प्रदेशको सामाजिक विकास मन्त्रालय र सम्बन्धित स्थानीय तहका बीच प्रदेशगत रुपमा देहायको मिति, समय र स्थानमा त्रिपक्षीय समझदारी गर्ने कार्यक्रम रहेको हुँदा उक्त कार्यक्रममा तहाँ गाउँपालिका÷ नगरपालिकाबाट अध्यक्षज्यू÷ प्रमुखज्यूको उपस्थितिका लागि मन्त्रालय अनुरोध गर्दछ ।’ मन्त्रालयद्धारा जारी सूचनामा भनिएको छ ।
प्रदेश नं १ भित्र पर्ने स्थानियतहहरुका लागि २०७६/१ /२० गते विराटनगर ।
प्रदेश नं २ भित्र पर्र्ने स्थानियतहहरुका लागि २०७६/१/२१ गते जनकपुर ।
प्रदेश नं ३ भित्र पर्ने स्थानियतहहरुका लागि २०७६/१/२२ गते काठमाडौं ।
प्रदेश नं ४ भित्र पर्ने स्थानियतहहरुका लागि २०७६/१/२० गते पोखरा ।
प्रदेश नं ५ भित्र पर्ने स्थानियतहहरुका लागि २०७६/१/२३ गते बुटवल ।
कर्णाली प्रदेश भित्र पर्ने स्थानियतहहरुका लागि २०७६/१/२४ गते सुर्खेत
सुदूरपश्चिम प्रदेश भित्र पर्ने स्थानियतहहरुका लागि २०७६/१/२५ गते । समय बिहान १० : ३० देखि बेलुका ५ बजेसम्म रहेको पनि मन्त्रालयले जनाएको छ ।
वि.सं.२०७६ वैशाख ११ बुधवार ०९:०९ मा प्रकाशित
