१३ बैशाख, काठमाडौं । भूकम्प पीडितले सरकारी अनुदानमा बनाएका निजी आवास बस्न अयोग्य तथा अव्यवहारिक रहेको ट्रान्सपरेन्सी ईन्टरनेसनल नेपालले ठहर गरेको छ ।
‘भूकम्प प्रभावित जिल्लामा सरकारी अनुदानमा निर्माण भएका अधिकांश घर एककोठे छन् । त्यस्ता घरको संरचना निकै सानो छ । औचित्य र उपदेयताका हिसाबले घर भन्नै नसक्ने त्यस्ता संरचनामा दुई खाट पनि अट्दैनन्,’ ट्रान्सपरेन्सीको अध्ययनले भनेको छ ।
भान्साकोठा विनाका अव्यबहारिक घर बनाएर राज्यको ठूलो रकम किन खर्च गरियो भन्ने प्रश्न सिर्जना भएको ट्रान्सपरेन्सी इन्टरनेशनल नेपालका अध्यक्ष खेमराज रेग्मीले बताए । शुक्रबारको नयाँपत्रिका दैनिकमा अच्युत पुरीले लेखेका छन् ।
वि.सं.२०७६ वैशाख १३ शुक्रवार ०८:०१ मा प्रकाशित
