१३ वैशाख, काठमाडौँ । गुल्मी जिल्ला घर भई हाल काठमाडौँमा विभिन्न पेशामा आबद्ध गुल्मेलीहरु बीच नयाँ वर्ष २०७६ को अवसरमा शुभकामना आदानप्रदान कार्यक्रमको आयोजना गरिएको छ ।
गुल्मेली समाज, काठमाडौ र गुल्मेली अधिकृत समाज, काठमाडौँको संयुक्त आयोजनामा गरिएको उक्त कार्यक्रममा गुल्मीको ढकनी र चुकौनी खुवाइने गुल्मेली समाज काठमाडौँका महासचिव टंक पन्तले जानकारी दिए ।
गुल्मीको ढकनी र चुकौनी खाएर नयाँ बर्षको शुभारम्भसंगै मीठो मीठो खान पुगोस, कसैलाई दुख नपरोस, देशको समद्धि प्रभाबकारी रुपमा अगाडि बढोस, सबैमा सकारात्मक सोचको बिकास होस र परिबतर्नको प्रारम्भ आफैबाट गरौ भन्ने प्रतिबद्धता सहितको सबैलाई निम्तो रहेको महासचिव पन्त भन्छन् ।
१४ गते शनिबार दिनको १.३० बजे मिनभबन बानेश्वर स्थित सहकारी प्रशिक्षण केन्द्रमा कार्यक्रमको आयोजना गरिएको छ ।
वि.सं.२०७६ वैशाख १३ शुक्रवार १४:१० मा प्रकाशित
