हामी सबैकाे संसारन्यूज

१५ बैशाख, काठमाडौं । सुनसरीका दुहवी नगरपालिकाका एक युवाले वडा कार्यालयले नागरिकताको सिफारिस नगरीदिएको भन्दै आत्महत्या गरेका छन् । नागरिकता सिफारिस गर्न नमानेपछि दुहवी नगरपालिका ३ का हरि मण्डलले आत्महत्या गरेको परिवारले जनाएको छ ।
उनले पाँचदिन अघि आत्महत्या गरेका हुन् । नागरिकताको सिफारिस माग्दै वडा समितिको कार्यालयमा पटक पटक पुगे पनि वडाअध्यक्ष माधब बहादुर भण्डारीले कागजात नपुगेको भन्दै सिफारिस नदिएकाले आवेगमा आएर छोरा हरि मण्डलले आत्महत्या गरेको आमा गीतादेवीले बताइन् ।
मण्डल परिवार तीन पुस्तादेखि दुहबीमा बस्दै आएको छ । ध्रुव मण्डलका जेठा छोरा प्रमोदले २०६३ सालको टोलीबाटै जन्मसिद्धको नागरिकता बनाइसकेका छन् । दाजुको जन्मसिद्ध नागरिकता भएपछि हरिले पनि नागरिकता बनाउन खोजेका थिए । त्यसैका लागि उनले गत १८ चैतमा वडा कार्यालयमा जन्मदर्ता र आफूले अध्ययन गरेको विद्यालयको प्रमाणपत्र सहित नागरिकता सिफारिस गरिदिन निवेदन दिएका थिए । आइतबारको नयाँपत्रिका दैनिकबाट