Sansar News
१५ बैशाख, कालिकोट । बालबालिकालाई खोज्दै नरहरिनाथ गाउँपालिकाका जनप्रतिनिधि गाउँपसेका छन् ।
विद्यालय पहुँचबाहिर रहेका बालबालिकालाई भर्ना गराउन उनीहरु घरदैलो अभियानमा जुटेका छन् । बालबालिकालाई विद्यालयमा ल्याउन अभिभावकसँग छलफल गर्न घरदैलो कार्यक्रम सुरु गरिएको १ नम्बरका वडा अध्यक्ष पृथी विष्टले बताए ।
अधिकांश बालबालिकाले विद्यालय छाड्न लागेपछि आर्थिक सहायतासहित गाउँ पसेको उनले बताए ।
विष्टका अनुसार वडा नं १ र २ मा विद्यालय छाडेका बालबालिका लक्षित भर्ना अभियान सञ्चालन गरिएको छ । नन्दादेवी माध्यमीक विद्यालय कोटवाडाको सेवा क्षेत्रभित्र रहेको अमनेपानीका पाँच बालबालिकलाई भर्ना गरी घरदैलो कार्यक्रम सुरु गरिएको हो । आइतबारको नागरिक दैनिकबाट
वि.सं.२०७६ वैशाख १५ आइतवार ०८:२६ मा प्रकाशित
