हामी सबैकाे संसारन्यूज

१६ बैशाख, काठमाण्डौं । नागरिकता विधेयक विरुद्धमा विभिन्न राजनीतिक दलले गरेको प्रदर्शनका क्रममा प्रहरी र प्रदर्शनकारीबीच झडप भएको छ ।

काठमाडौंको माईतीघर मण्डलमा भेला भएर बानेश्वरतर्फ गएको प्रदर्शनकारीको टोलीमाथि प्रहरीले हस्तक्षेप गर्न खोज्दा झडपको स्थिति आएको पुष्पलाल अध्ययन समाजका अध्यक्ष लोककृष्ण भट्टराईले बताए । ‘विधेयक जलाउन खोज्दा खोस्न आएपछि झड

पको स्थिति पैदा भएको हो । भट्टराईले भने, ‘खोस्न आएकै विधेयक जलाइएको हो । प्रहरीले लाठी चार्ज गरे हो ।’
नेकपा मसाल, माले, पुष्पलाल अध्ययन समाज, राष्टिय जागरण परीषद, २५ प्लस समुह लगायतका संगठन,सामाजिक संघसंस्था, बिज्ञविशेषज्ञ र राष्ट्रिय जीवनका ब्यक्तित्वहरुको सामुहिक प्रर्दशनि रहेको थियो ।

राष्ट्रिय जनमोर्चाका अध्यक्ष चित्र ब केसी, पुष्पलाल अध्ययन समाजका अध्यक्ष लोककृष्ण भट्टराई, महिला सांसद दुर्गा पौडेल, मालेका महासचिव सिपी मैनाली, नेकपा मसालका पवक्ता रामप्रकाश पुरी, नेपाल कम्युनिष्ट पार्टी (नेकपा) का केन्द्रीय सदस्य नारायण शर्मा, पुष्पलाल अध्ययन समाजका सदस्य तथा वरिष्ठ अधिवक्ता वोर्ण बहादुर कार्की, राष्ट्रिय जागरण परिषद्का संयोजक साध्यबहादुर भण्डारीले नागरिकता विधेयक तुरुन्त फिर्ता गर्नुपर्ने माग गरेका थिए ।

प्रदर्शनकारीहरुले गृहमन्त्रालयद्धारा जारी सन्तानलाई वंशजको आधारमा नागरिकता दिनु भन्ने परिपत्र समेत जलाएका छन् । प्रदर्शनकारीले परिपत्र जलाउनासाथ नयाँबानेश्वरमा कोणसभा गरेका थिए ।