Sansar News
२० बैशाख, काठमाडौं । सरकारले खसीबोका उत्पादन तथा बजारीकरण कार्यक्रम सञ्चालनमा ल्याउने भएको छ ।
कृषि तथा पशुपन्छी विकास मन्त्रालयले यो कार्यक्रम आगामी आर्थिक वर्ष सञ्चालन गर्ने प्रस्ताव गरेको छ । मासु उपभोगका लागि खसीबोका आयात उच्च बन्दै गएपछि त्यसलाई नियन्त्रण गर्न कार्यक्रम ल्याउन लागिएको हो ।
कार्यक्रम आगामी आव ०७६÷७७ को बजेट तथा कार्यक्रममा समावेश गर्ने राष्ट्रिय योजना आयोगलाई प्रस्ताव गरिएको हो ।
मन्त्रालयका सहप्रवक्ता डा. प्रदीप कुमार भट्टराईका अनुसार यो कार्यक्रम ४७ जिल्लामा सञ्चालनमा ल्याइने छ ।
कार्यक्रम सञ्चालन गर्न तीन वर्षको अबधि तोकिएको छ । सात करोड ८३ लाख रुपैयाँ प्रस्ताव गरिएको यो कार्यक्रम सञ्चालन पश्चात एक जिल्लामा दुई पकेट क्षेत्रका दरले ४७ जिल्लमा ९४ वटा बाख्राको पकेट क्षेत्र निर्माण हुनेछ । शुक्रबारको अन्नपूणपोष्ट दैनिकबाट
वि.सं.२०७६ वैशाख २० शुक्रवार ०८:२२ मा प्रकाशित
