२२ बैशाख, काठमाडौं । सर्वसाधारणको सुरक्षामा खटिने प्रहरीमाथि नै लुटपाट हुन्छ भने सर्वसाधारणले कसरी सुरक्षाको अनुभुति गर्न सकिएला र ? हो पाठकबृन्द काठमाडौंको गोकर्णेश्वर यातायाबाट सशस्त्र प्रहरीकी निरक्षक डा. राज्य खड्का लुटिएकी छन् ।
बैशाख १४ गते उनी गोकणेश्वर यातायात को २५६८ नम्बरको बसमा साँखु हुँदै रत्नपार्क जाने क्रममा साढे ५ बजेतिर बौद्ध टुसालबाट लुटिएकी हुन् । गाडीभित्रै एक व्यक्ति डा. खड्काको व्याग लुटेर भागेका हुन् । जुन सिसि क्यामेरामा प्रष्टै देखिन्छ । तर ती व्यत्तिलाई प्रहरीले अझै पक्राउ गर्न सकेको छैन ।
खड्काका अनुसार उक्त व्यागभित्र महत्वपूर्ण कागजात, ल्यापटप, क्यामरा, हार्ड ड्राइभ लगायतका समान थियो ।
उक्त घटनाका बारेमा बैशाख १४ मै उजुरी गरेपनि प्रहरी उजुरी लिन मानेन र भोलीपल्ट लिखित उजुरी गरेपनि उक्त व्यक्ति प्रक्राउ पर्न सकेका छैनन् । आइतबारको कारोबार दैनिकबाट
वि.सं.२०७६ वैशाख २२ आइतवार ०७:५१ मा प्रकाशित
