Sansar News
२६ बैशाख, बाँके । प्रेसर कुकर बम बोकेर हिडेका दुई युवा पक्राउ परेका छन् ।
जानकी गाउँपालिका ६ गानापुरबाट कालिकोट रास्कोट नगरपालिका–६ का ४२ वर्षीय भरत बहादुर बम र ३० वर्षीय सत्य बहादुर शाहीलाई बिस्फोटक पदार्थ प्रेसर कुकर बम १ थान, सोमा प्रयोग हुने फ्युज, तार र ब्याट्री सहित बुधबार दिउँसो प्रहरीले पक्राउ गरेको छ ।
ईलाका प्रहरी कार्यालय कोहलपुरबाट खटिएको प्रहरीले पैदल हिँडिरहेका उनीहरुलाई जाचँ गर्ने क्रममा उक्त बिस्फोटक पर्दाथ सहित फेला पारी पक्राउ गरेको हो ।
यस सम्बन्धमा आवस्यक अनुसन्धान गरिरहेको प्रहरीले जनाएको छ ।
वि.सं.२०७६ वैशाख २६ बिहीवार १५:५५ मा प्रकाशित
