Sansar News
२८ बैशाख, काठमाण्डौं । उनी दुवै खुट्टम टेक्न सक्दैनन् । अरुको सहारामा हिँड्नुपर्छ । नभए ह्विलचेयरमा हिँड्छन् । शरीर भने हृष्टपुष्ट छ । बोल्न र लेख्न कुनै समस्या छैन ।
६ वर्षीय यी रविन परियालाई पोखराको छोरेपाटनस्थित छोरेपाटन माविका प्रधानाध्यापक लक्ष्मण थाले भने, ‘हामी जिम्मा लिन सक्तैनौं घरमै पढाउनू ।’
रविन नर्सरी पास गरेर एलकेजीमा पुगेपछि अभिभावकले भर्नाका लागि छोरेपाटन मावि पुर्याएका थिए । शिक्षक भने सुरक्षाका कारण देखाउँदैं जिम्मा लिन नसक्ने भन्दै टकटकिए ।
‘छोरो पढाइदिनका लागि बारम्बार स्कुल धाएको छु,’ रविनका बाबु कुमारले भने, ‘छोरो स्कुलै गएर पढ्छु भन्छ । विद्यालय जिम्मा लिन सक्दैनौं भन्दा पीर लागेको छ ।’ उनी छोरा पढाईदिन अनुरोध गर्दै ६ पटक सम्म स्कुल धाई सकेका छन् ।
कुमारका अनुसार त्यसक्रममा एक शिक्षिकाले रविनको नाम लिनासाथ ‘समस्या हाम्रो हैन तपाइको हो, अब यहाँ हुँदै हुँदैन’ भनेर फर्काइन् ।
शनिबारको कान्तिपुर दैनिकमा कास्कीबाट विना थापाले लेखेकी छन् ।
वि.सं.२०७६ वैशाख २८ शनिवार ०७:५६ मा प्रकाशित
