२९ बैशाख, काठमाण्डौं । ‘नमस्ते, शिक्षा, विज्ञान तथा प्रविधि मन्त्री गिरिराजमणि पोखरेललाई हार्दिक स्वागत छ ।’
फूलमायाले स्वागत गर्दै मन्त्री पोखरेललाई प्रमुख आतिथ्यता ग्रहण गर्न अनुरोध गरिन् । अनुरोध स्वीकार्दै शिक्षा मन्त्री पोखरेल ड्यासमा उक्लिए र फूलमायाको पछाडि लहरै राखिएका सोफामा बसे ।
नेवारी पोसाक हाकुपाटासी लगाएकी फूलमाया महिला होइनन्, मानवयन्त्र (रोबोट) हुन् । बीपी कोइराला मेमोरियल प्लानेटरियम तथा अव्जर्भेटरी र विज्ञान संग्रहालय विकास समितिले निर्माण गरेको कीर्तिपुरस्थित विज्ञान संङग्रहालय तथा त्रिआयामी (थ्रिडी) थियटरको शनिबार आयोजित उद्घाटन समारोहलाई फूलमायाले सञ्चलन गरेकी हुन् ।
समितिले पाइला टेक्नोलोजी नामक संस्थालाई रोबोट निर्माण गर्ने जिम्मा दिएको थियो । संस्थाले दुई महिनामा समितिको आवश्यकता अनुसारको रोबोट तयार गरिदिएको हो । आइतबारको गोरखापत्र दैनिकबाट
वि.सं.२०७६ वैशाख २९ आइतवार ०७:२१ मा प्रकाशित
