३१ बैशाख, काठमाण्डौं । पश्चिमी वायुको प्रभावले मुलुकभरी मौसममा बदली भइ देशका विभिन्न भागमा मेघ गर्जन तथा हावाहुरी सहित वर्षा हुने जनाइएको छ ।
मौसम पूर्वानुमान विभागका अनुसार आज देशभरी आंशिक बदली भइ केही स्थानमा मेघ गर्जन, हावाहुरी सहित वर्षाको सम्भावना रहेको छ । उच्च हिमाली भूभागहरुमा हल्कादेखि मध्यम हिमपातको सम्भावना समेत रहेको छ ।
त्यस्तै राति पनि आंशिक बदली रहि देशका थोरै स्थानमा मेघ गर्जन, हावाहुरी सहित वर्षाको सम्भावना रहेको छ । उच्च हिमाली भूभागहरुमा हल्का देखि मध्यम हिमपातको संभावना रहेको छ ।
वि.सं.२०७६ वैशाख ३१ मंगलवार ०९:४१ मा प्रकाशित
