प्रवासी नेपालीहरुको साझा संगठन एनआरएनएलाई विभिन्न राजनीतिक दल तथा जातिय संगठनहरुले आफ्नो पकडमा पार्ने प्रयास हुने आरोप लाग्ने गरेको छ । जनसम्पर्क समिति अमेरिकाले आफ्नो संगठनमाथि पनि त्यस्तो आरोप लाग्न सक्ने तर्फ पहिल्यै सचेत रहँदै समितिलाई चोख्याउने प्रयास गरेको छ ।
नेपाली जनसम्पर्क समिति अमेरिकाले यही मे १८ र १९ तारिखमा (१९–२१) को लागि हुन गईरहेको गैरआवासीय नेपाली संघ राष्ट्रिय समन्वय परिषद् अमेरिकाको निर्वाचनमा कुनै पनि उमेद्धारको विषयमा संस्थागत एवं अधिकारीक निर्णय नगरिएको बताएको छ । महासचिव मुनिन्द्र नेम्वाङले प्रेस विज्ञप्ति जारी गर्दै सो कुराको जानकारी गराइएको हो । विज्ञप्तीमा एनआरएनए गैरराजनीतिक र सबै नेपालीको साझा संस्था भएका र संघको गरिमाप्रति संगठन सदैव सचेत र संवेदनशील रहेको बताइएको छ ।
प्रेस विज्ञप्ति
यही मे १८ र १९ तारिखमा (१९-२१)को लागि हुन गईरहेको गैर आवासीय नेपाली संघ राष्ट्रिय समन्वय परिषद् अमेरिकाको निर्वाचनमा, नेपाली जनसम्पर्क समिति अमेरिकाको तर्फबाट कुनै पनि उमेद्धारको विषयमा संस्थागत एवं अधिकारीक निर्णय नगरेको कुरा सम्पूर्ण जिज्ञासा राख्नुहुने साथिहरू, पत्रकार मित्रहरू, शुभेच्छुक साथिहरू, एनआरएनएको साधारण एवं आजीवन सदस्यहरू र आम अमेरिकावासी नेपाली दिदीबहिनी तथा दाज्यूभाईहरूलाई यसै विज्ञप्ति मार्फत जानकारी गराउँदछौं । साथै यस निर्वाचनमा सहभागि रहनुहुने सबै उमेद्वारहरूलाई संस्थाको तर्फबाट हार्दिक शुभकामना समेत व्यक्त गर्दछौं ।
एनआरएनए ९ल्च्ल्ब्० एउटा गैर राजनीतिक र सबै नेपालीको साझा संस्था भएकाले यसका प्रति उच्च गरिमा बोकेको हाम्रो संगठन सदैव सचेत र संवेदनशील रहेको कुरा यहाँहरू माँझ प्रष्ट पार्दछौ । साथै आउँदो गैर आवासीय नेपाली संघ, राष्ट्रिय समन्वय परिषद् अमेरिकाको यो निर्वाचन निष्पक्ष, पारदर्शी र धाँधली रहित हुने कुरामा हामी विश्वस्त छौं, र यस निर्वाचनको पूर्ण सफलताको समेत कामना गर्दछौ ।
धन्यवाद , जयनेपाल १
मुनिन्द्र नेम्बाङ
महासचिव
नेपाली जनसम्पर्क समिती अमेरिका
वि.सं.२०७६ वैशाख ३१ मंगलवार ०९:५१ मा प्रकाशित
