३१ बैशाख, काठमाडौं । सन्राइज बैंक लिमिटेड र यूनियन लाइफ इन्स्योरेन्स कम्पनी लिमिटेडबीच बैंकास्योरेन्स Bancassurance सम्बन्धि सम्झौता भएको छ ।
सोमबार भएको उक्त बैंकास्योरेन्स सम्झौता अनुसार सन्राइज बैंकले देशभर रहेका १०५ वटै शाखाहरुबाट यूनियन लाइफ इन्स्योरेन्स कम्पनी लिमिटेडेको जीवन बीमा योजनाहरु बिक्रि गर्न सक्ने बताइएको छ ।
सन्राइज बैंक लिमिटेडको प्रधान कार्यालयमा बैंकका प्रमुख कार्यकारी अधिकृत रत्नराज बज्राचार्य र यूनियन लाइफ इन्स्योरेन्स कम्पनी लिमिटेडका प्रमुख कार्यकारी अधिकृत मनोज कुमार लाल कर्ण बीच बैंकास्योरेन्स सम्बन्धी सम्झौता पत्रमा हस्ताक्षर भएको थियो ।
ग्राहकहरुले सन्राइज बैंकका देशभरीका शाखाहरुबाट यूनियन लाइफ इन्स्योरेन्स कम्पनी लिमिटेडमा जीवन बीमा गर्नुका साथै प्रिमियम भुक्तानी, दाबी भुक्तानी लगायत सबै सेवा प्राप्त गर्न सक्ने बैंकद्धारा जारी विज्ञप्तिमा जनाइएको छ । यो सम्झौताले जीवन बीमा गर्न चाहने र गरिरहेका ग्राहकहरुलाई थप सुविधा प्राप्त हुनेमा बैंक विश्वस्त छ ।
सन्राइज बैंक र रिलायबल नेपाल लाईफबीच बैंकास्योरेन्स सम्झौता
वि.सं.२०७६ वैशाख ३१ मंगलवार ०९:५५ मा प्रकाशित
