हामी सबैकाे संसारन्यूज

१ जेठ, काठमाण्डौं । पत्रकार किरण मरहठ्ठाको ‘नेपाली हु इज हु इन द युएसए’ सार्वजनिक भएको छ ।

अमेरिकामा रहेका पत्रकार मरहठ्ठाको उक्त पुस्तक क्यालिफोर्नियाका स्टेट युनिभर्सिटी लंगमा आइतबार बिमोचन गरिएको हो ।

विश्वविद्यालयका प्रोफेसनल तथा इन्टरनेशलनका उपाध्यक्ष तथा डिन जित जोशीले होस्ट गरेको उक्त, कार्यक्रममा सहायक उपकुलपति गेरी ह्यानले, अवैतानिक राजदूत ऋषि ढकाल, एनआरएनए अमेरिकाका अध्यक्ष केशव पौडेल र डिन जोशीले संयुक्त रुपमा पुस्तकको विमोचन गरिएको हो ।

सोहि अवसरमा डिन जोशीले ‘नेपाली हु इज हुँ’ आजको अमेरिकन नेपाली समुदायको चित्र भएको टिप्पणी गर्दै उक्त पुस्तक बिद्यार्थी र अनुसन्धातालाइ उपयोगी हुने भएकोले आफ्नो विश्वविद्यालयले पुस्तकलाई ग्रहण गरेको बताएका थिए । जोशीले भने, ‘हामी बढी भन्दा बढी विश्वविद्यालयहरुमा यो पुस्तक पुर्याउने छौँ ताकी नेपाली डायस्पोराको बारेमा धेरैले जान्न सकुन् ।’

एनआरएनए एनसिसि अमेरिकाका अध्यक्ष केशव पौडेलले पुस्तक पहिलो पुस्ताका नेपालीले अमेरिकी भूमिमा गरेको संघर्ष र सफलताको दस्तावेज भएको बताए ।
त्यस्तै अवैतनिक महाबाणिज्यदूत ऋषि ढकालले ‘नेपाली हु इज हु’लाइ अमेरिकी विश्वविद्यालयले इन्डोर्स गर्नु सह्रानीय कार्य भएको भन्दै पुस्तक तयार पार्ने क्रममा मरहट्ठाले गरेको मेहनत र लगावको प्रसंशा समेत गरेका थिए ।

पुस्तकमा अमेरिकाका ४४ वटा राज्यका नेपालीको प्रतिनिधिमुलक कथाहरु समेटिएका छन् ।

लेखकले ५० वटै राज्य समेट्ने आफ्नो चाहना विभिन्न कारणले पूरा हुन नसकेको जानकारी दिए । उनले भने, ‘नेपालीको प्रगतिको कथालाइ अमेरिकी मुलधारमा चिनाउन हु इज हु लेखेको हुँ, धेरै पात्रहरु छुटेका छन् आगामी संस्करणमा उनीहरुलाइ समेट्ने कोशिस गर्नेछु ।’

पुस्तकको प्रवर्धनात्मक भिडियो समेत देखाइएको कार्यक्रममा हु इज हु पब्लिकेशनका निर्देशक तिलक केसीले पुस्तकमा प्राज्ञ, व्यवासायी, लेखक तथा कलाकर्मी, समाजसेवी र योगं अचिभर्स गरि पाँच सेक्सन रहेको र अनलाइन संस्करण पनि छिट्टै सार्वजनिक हुने जानकारी दिए । कार्यक्रममा महिला उद्यमी यमुना भट्टराई, अनुसुया वन्त, र राजनीतिकर्मी राचेल लेन मुरेले सफलताको शुभकामना दिएका थिए ।

सांग्रीला बुक अमेरिकाले वितरण गरेको यो पुस्तक हु इज हु नेपाली डटकम www.whoiswhonepali.com  अनलाइन किन्न सकिने बताइएको छ ।
नेपाली लेखकलाइ अमेरिकी विश्वविद्यालयले होस्ट गरेको यो पहिलो पटक रहेको बताइएको छ । एबिसि टेलिभिजनका पत्रकार मरहट्ठाले यसअघि द होप र मिडिया इन मास पुस्तक लेखेका थिए । उनी ‘मेसी द म्यान एट बार्सा’ डकुमेन्ट्रिका निर्देशक पनि हुन् ।