हामी सबैकाे संसारन्यूज

४ जेठ, काठमाण्डौं । संघ  र प्रदेश सांसद तथा महानरगपालिका, नगरपालिका, गाउँपालिका र वडाका प्रमुख  तथा अध्यक्ष र सदस्य गरी देशभरी  कूल ९४२  पद रिक्त छन् । तर, निर्वाचन आयोगका प्रवक्ता शंकरप्रसाद खरेल सांसद र स्थानीय  तहका प्रमुख तथा अध्यषको मात्रै उपनिर्वाचन  गर्न सक्ने  व्यवस्था रहेको बताउँछ ।

‘हामी  संघ र प्रदेश सांसद तथा उपमहानगरपालिका, नगरपालिका,  गाउँपालिका र वडाका प्रमुख तथा अध्यक्ष पदको मात्रै उपनिर्वाचन  गराउन सक्छौं । संघीय सांसदको एक, प्रदेश सांसदको तीन, उपमहानगर प्रमुख  एक, गाउँपलिका  प्रमुख तीन  र वडा अध्यक्षका लागि ४६  पदमा उपनिर्वाचन गराउनुपर्नेछ,’  प्रवक्ता खरेलले भने, ‘ स्थानीयतहमा  खुल्ला  महिला र दलित  गरी अन्य आठसय  ९६  सदस्य पद परि रिक्त छन् ।  तर,यी पदमा  उपनिर्वाचन गराउने संबधानिक अधिकार छैन ।’

उनका अनुसार निर्वाचनका बेला उम्मेदवारी  नपरेर यी धेरै  पद  पहिल्यैदेखि खाली छन् । अन्य कारणले खाली  भए पनि सदस्य  पदको उपनिर्वाचन गराउने संबैधानिक  व्यवस्था  छैन ।  संविधानको  धारा २१६ मा स्थानीय  तहका प्रमुख र उपप्रमुख वा  अध्यक्ष र उपाध्यक्षको कार्यकाल  एक वर्षभन्दा बढी बाँकी छँदै मुृत्यु  भए उपनिर्वाचन गर्नुपर्ने अवस्था छ । शनिबारको नयाँपत्रिका दैनिकबाट