हामी सबैकाे संसारन्यूज

३ जेष्ठ । सिंगापुरमा जुलाई २१ देखि २८ (श्रावण ५–१२)सम्म हुने टि २० बिश्वकप एसियाली फाइनल छनोट प्रतियोगिता अन्तर्गत नेपालले पहिलो खेल श्रावण ७ गते कतार विरुद्ध खेल्दैछ ।

प्रतियोगितामा नेपाल सहित सिंगापुर, मलेसिया, कतार र कुवेत गरि ५ टिम सहभागी हुने उक्त प्रतियोगितामा नेपालले दोस्रो खेल मलेसिया, तेस्रो कुवेत र चौंथो सिंगापुरसँग खेल्ने तालिका तय भएको छ ।

एसियाली फाइनल छनोट खेलबाट १ टिम ग्लोबल क्वालिफायरमा पुग्नेछ । युएई ग्लोबल छनोटको आयोजक भएकोले सिधै ग्लोबल छनोटमा प्रवेश गरेको छ।

प्रतियोगिताका सम्पूर्ण खेल इण्डियन एसोसिएसन क्रिकेट मैदानमा हुनेछन्। नेपालले खेल्ने सबै खेलहरु स्थानीय समय अनुसार १० बजेबाट सुरु हुनेछन्।