हामी सबैकाे संसारन्यूज

७ जेठ, काठमाण्डौं । गत ३१ बैशाखको बिहानै पशुपतिनाथ मन्दिरभित्र पर्ने संस्कृत माध्यमीक विद्यालय (नेपाल वेद विद्याश्रम) को हाताभित्र डोजर चल्न थाल्यो ।

डोजर चल्नेबारे विद्याश्रमलाई वडा कार्यालय र काठमाण्डौं महानगरपालिका दुवैले जानकारी गराएका थिएनन् । न त पशुपति क्षेत्र विकास कोषले नै यसबारे विद्याश्रमलाई जानकारी गराएको थियो ।

डोजरले केही समयमा त्यहाँ काम तमाम गर्यो । र महानगरपालिकाक प्रमुख विद्या सुन्दर शाक्यले शिलान्यास गरे । कुनै औपचारिक जानकारी नभएको अवस्थामा डोजर चलाईएपछि शिक्षक विद्यार्थी र कर्मचारी बीच केका लागि डोजर चलाईयो भन्ने जिज्ञासा सुरु भयो । विद्यार्थी, शिक्षक, र विद्याश्रमका कर्मचारी विरोधमा उत्रिए । तर, त्यहाँ उनीहको विरोधको कुनै सुनुवाई भएन । शिलान्यास भइ छाड्यो ।

विद्याश्रमका संयोजक विष्णु प्रसाद पोखरेलका अनुसार यो जग्गा गुठी संस्थानको स्वामित्वमा विद्याश्रमको नाममा रहेको छ ।  मंगलबारको राजधानी दैनिकबाट