हामी सबैकाे संसारन्यूज

९ जेठ, काठमाण्डौं । नेपाली जनतासँग सामाजिक सन्जालमा प्रत्यक्ष अन्तरसंवाद गर्ने उद्घोषपछि विवादमा आएका अमेरिकन राजदूत रयाण्डी बेरीलाई परराष्ट्र मन्त्रालयले बोलाएर जानकारी लिएको छ ।

परराष्ट्र सचिव शंकरदास बैरागीले बुधबार दिउँसो मन्त्रालयमा बोलाइएका राजदूतसँग ‘गफगाफ’ कार्यक्रम लगायत विषमा जिज्ञासा राखेका थिए ।

सचिव वैरागीले राजदूत बेरीसँग मन्त्रालयमा भेट भएको पृष्टि गरे पनि कुराकानी बारे बताउन मानेनन् । कुराकानीमा नेपाल–अमेरिका द्धिदेशीय हितबारे केन्द्रित रहेको प्रतिक्रिया मात्र दिए । राजदूत बेरीको फेसबुक भिडियो सन्देश सार्वजनिक भए लगत्तै सचिव वैरागीले मंगलबार ‘यसरी स्वेच्छाले एउटा कूटनीतिक अधिकारीले संवाद गर्न नमिल्ने प्रतिक्रिया दिएका थिए ।

स्रोतका अनुसार बेरीले नेपाल र नेपाली जनतासँग अमेरिकी सरकार जोडिएको ७२ वर्ष भइसक्यो भन्दै कूटनीतिज्ञको एउटा अंगका रुपमा आपसी संवाद परामर्श जारी रहेको सचिव शंकर वैरागीलाई स्पष्ट पारेका थिए । विहिबारको कान्तिपुर दैनिकबाट