हामी सबैकाे संसारन्यूज

१० जेठ, काठमाडौँ । नेपाली काङ्ग्रेसका नेताहरू पार्टीले सञ्चालन गरेको राष्ट्रिय जागरण अभियानलाई १४ औंमहाधिवेशन पूर्व तयारीका रूपमा उपयोग गर्न सक्रिय भएका छन् । तल्लो तहका नेता तथा कार्यकर्ता अभियान संगठन सुदृढीकरणमा प्रयोग गर्नुपर्ने पक्षमा देखिए पनि नेताहरुको ध्यान भने महाधिवेशन केन्द्रित बन्न पुगेको छ ।
विधानको व्यवस्थाअनुसार महाधिवेशन आउन अझै एक वर्ष बाँकी रहे पनि पनि शीर्ष नेताहरु एकअर्कालाई कमजोर देखाएर नेतृत्व्मा पुग्ने र टिक्ने दाउमा सक्रिय रहँदा जागरण अभियान संगठन सुधारमा भन्दा गुटगत स्वार्थमा केन्द्रित देखिएको छ । पहिलो पटक केन्द्रदेखि वडातहसम्मका संगठन एकैसाथ परिचालन गर्नेगरी तीन चरणको अभियान सुरु गरे पनि नेताहरुको ध्यान महाधिवेशन केन्द्रित बन्न पुगेको हो ।
वैशाख २५ गते सुरु जागरण अभियानकै व्यानरमा नेताहरुले भेटघाट र कार्यक्रमलाई तीब्र बनाएर पनि गुटगत स्वार्थलाई केन्द्रमा राखेका छन् । पार्टीका शीर्ष नेता मात्र हेइनन्, केन्द्रीय सदस्य समेत आगामी महाधिवेशनमा आफ्नो पक्षमा वातावरण बनाउन जागरण अभियानलाई उपयोग गर्न लागि परेका छन् ।

आजको पत्रिका नागरिक दैनिकबाट