हामी सबैकाे संसारन्यूज

१४ जेठ, काठमाण्डौं । सरकारले कृषि तथा पशुजन्य वस्तु उत्पादन बढाएर मुलुकलाई आत्मनिर्भर बनाउने घोषणा गरिरहँदा आठ महिनाको अवधिमा सवा खर्ब रुपैयाँ भन्दा बढीको कृषि उत्पादन आयात भएको छ ।

सरकारले कृषि क्षेत्रमा हरेक बर्ष बजेट बढाउँदै लगे पनि अपेक्षित रुपमा उतपदन र उत्पाकत्व वृद्धि नहुँदा दैनिक भान्सामा प्रयोग हुने खाद्यान्न, तरकारी, तेलदेखि मासु सम्मको आयात बढेको हो ।

चालु आर्थिक वर्ष २०७५÷७६ को फागुन सम्म एक खर्ब ३८ अर्ब ६ करोड रुपैयाँको कृषि उत्पादन आयात भएको अर्थ मन्त्रालयले सोमबार सार्वजनिक गरको तथ्यांक सर्वेक्षण ०७५÷७६ मा उल्लेख छ । कुल वस्तु आयातमा १४.६ प्रतिशत कृषि उत्पादन हिस्सा छ ।

कृषि वस्तुको आयात बढेको बेला निर्यात भने घटेको छ । गत वर्षको तुलनामा खाद्य तथा पशुजन्य वस्तुको निर्यात ९.९ प्रतिशतले घटेर १२ अर्ब ६७ करोड रुपैयाँमा समिति भएको छ ।
कृषि तथा पशुजन्य वस्तु निर्यातको तुलनामा आयात करिब १० गुणा बढेको देखिन्छ । मंगलबारको नागरिक दैनिकबाट