हामी सबैकाे संसारन्यूज

१४ जेठ, काठमाडौँ । प्रतिबन्धित नेपाल कम्युनिस्ट पार्टी(विप्लव समूह) ले सहर केन्द्रित गतिविधि बढाएको विषयमा राष्ट्रिय अनुसन्धान विभागले एक साताअघि नै रिपोर्टिङ गरेको थियो । विप्लव समूहले आफूलाई चर्चामा ल्याउन सहरकेन्द्रित गतिविधि सूरु गरेको र अवाञ्छित गतिविधि हुन सक्ने रिपोर्टिङ विभागका प्रमुख गणेश अधिकारीले मुख्यसचिव लोकदर्शन रेग्मीलाई गरेका थिए । हाँल विभाग प्रधानमन्त्री कार्यालयमातहत नै छ ।

‘पुरानो जनयुद्घको रूपलाई गाउँभन्दा सहरकेन्द्रित गरेर आफूलाई अन्र्तराष्ट्रियकरण गर्न खोजेको सूचना मुख्यसचिव रेग्मीलाई दिएको छ, अनुसन्धान विभाग स्रोतले भन्यो, बम पड्किन्छ भन्ने प्राविधिक सूचना त होइन, उनीहरुको आउजाउ बढेको, बैठक भेलाहरु सूरु भएको र त्यसमा जेसुकै निणर्य गर्न सक्नेगरी उनीहरु अघि बढेको भन्ने सूचना दिइएको हो ।’राष्ट्रिय अनुसन्धमा विभागले नेपालको प्रमुख गुप्तचर निकाय हो । त्यसले अहिले हरेक सूचना संकलन गरेर प्रधानमन्त्री कार्यालयलाई रिपोर्टिङ गर्ने गरेको छ । सो विभागले प्रत्येक दिन खामबन्दी रिपोर्ट प्रधमामन्त्रीका प्रमुख सल्लाहकार विष्णु रिमाललाई बुझाउने गरेको छ । रिमाललाई बुझाइने रिपोर्ट नै गृह मन्त्रालयमा पनि खामबन्दी गरेर पठाइन्छ ।

नागरिक दैनिक पत्रिकाबाट