हामी सबैकाे संसारन्यूज

१६ जेठ, जुम्ला । पातारासी गाउँपालिका–६ तिर्खुका शिवराज बोहरा र चमेली बुढा रोजगारी पाउने भएपछि खुशी भएका छन् ।
सामाजिक विकास मन्त्रालयको सहयोग र व्यावसायिक तथा सीप विकास तालीम केन्द्र जुम्लाको प्रायोजन एंव शुभलाभ सेक्युरिटी सर्भिसेज प्रालिको आयोजनामा एकमहीने निःशुल्क सेक्युरिटी गार्ड तालीम लिएर रोजगारी पाउने भएपछि उनीहरु खुशी भएका हुन् ।

प्लस टुसम्म पास गरेका बोहोरालाई कोरा शिक्षाले मात्र केही नहुने भएकाले सीपमूलक शिक्षा आवश्यक भएकाले तालीममा सहभागी भएको शिवराज बोहोराको भनाइ छ ।

यो तालीम लिएपछि स्वदेशमा मात्रै नभई विदेशमा पनि केही गर्न सकिन्छ कि भन्ने आँट आएको चमेली बुढालले बताए । अर्का युवा कालीबहादुर ऐडीले यो तालीम सिके स्वदेश वा विदेशमा गएर राम्रो रोजगारी पाउनेमा विश्वस्त भएको जानकारी दिएको छ ।

व्यावसायिक तथा सीप विकास तालीम केन्द्र जुम्लाका कार्यालय प्रमुख नारायण चौलागाईंले बेरोजगारी समस्यालाई समाधान गर्नका लागि सीपमूलक शिक्षा प्रदान गर्न लागिएको बताए ।यसैबीच पत्रकारलाई फोटो तथा भिडियोग्राफी गर्नमा सहज होस् भन्ने उद्देश्यले जुम्लाका पत्रकारहरुलाई १६० घण्टे क्यामरा तथा भिडियोग्राफी सम्बन्धी तालीमको आयोजना गरिएको हो ।

जिल्ला समन्वय समिति जुम्लाका प्रमुख लालबहादुर सार्कीले क्यामेरा तथा भिडियोग्राफी तालीमले पत्रकारिता पेशालाई व्यवसायीकरण गर्नमा यो तालीम सहयोगी हुने विश्वास व्यक्त गरे ।

प्रमुख जिल्ला अधिकारी दुर्गा बञ्जाडेले पत्रकारितालाई अझ बढी व्यावसायिक र मर्यादित बनाउनका लागि यो तालीम उपयोगी हुने बताए । नेपाल पत्रकार महासङ्घका केन्द्रीय सदस्य पूर्णप्रसाद चौलागाईंले व्यवसायिक पत्रकारिताको विकासमा यो तालीमले सहयोग पु¥याउने बताए ।