हामी सबैकाे संसारन्यूज

देउरालीको चौतारी नि सून्य भएजस्तो आज !
कराङ्ग कुरुङ्ग चरा चुरुङ्गी बाझ्न थाले साँझ !!

जीवन अर्पण गर्न तैयार छु मेरो गाउँको सुखमा !
अनायासै आँशु झरे फलेवासको दुःखमा !!

परदेशबाट संझी आए हैं म जन्मेको ठाउँ !
स्वर्गतुल्य असिम प्यारो फलेवास मेरो गाउँ !!

पारी तल फाँटमा पहेलपुर धान झुलेका !
माथी डाँडा तिर ढक्मक्क लालिगुराँस फूलेका !!

कोइलीको गीतमा वनमा मयुर नाचे जस्तो !
पश्चातापले तड्पीए म, मन भयो कस्तो–कस्तो !!

देउरालीको चौतारी नि सून्य भएजस्तो आज !
कराङ्ग कुरुङ्ग चरा चुरुङ्गी बाझ्न थाले साँझ !!

जीवन अर्पण गर्न तैयार छु मेरो गाउँको सुखमा !
अनायासै आँशु झरे फलेवासको दुःखमा !!

नबन्ने भो, शरणार्थी बाच्छु आफ्नै स्वाबलम्वमा !
फर्कन्न अब म त परभूमिको अवलम्बमा !!