Sansar News
१९ जेठ । नेपाल कम्युनिष्ट पार्टी (नेकपा) पर्वतका बिहादी र पैयुका गाउँ कमिटीका पदाधिकारि र सदस्यहरुले सपथ ग्रहण गरेका छन् ।
नेकपाको विहादी गाउँ सङ्गठन कमिटीको आयोजनामा विहादी गाउँपालिकामा शनिबार सम्पन्न नेकपाको शपथग्रहण तथा पालिका कमिटीको पहिलो बैठकका अवसरमा उनीहरुले शपथग्रहग गरेका हुन् ।
नेकपा केन्द्रिय सदस्य गुप्तबहादुर हमालले नवगठित गाउँ सङ्गठन कमिटीका पदाधिकारी तथा सदस्यहरुलाई शपथग्रहण गराएका थिए ।
शपथग्रहण गराउँदै केन्द्रिय सदस्य हमालले पार्टीलाई वडा देखि केन्द्रसम्म मजबुत बनाएर लैजानुपर्ने धारणा व्यक्त गरे । आगामी निर्वाचनमा पनि राम्रो परिणाम हासिल गर्नका लागि पार्टीका सवै संगठनहरुलाई मजबुत बनाउनुपर्ने उनको भनाई छ । उनले सरकारले ल्याएको आगामी बर्षको बजेटले घोषणापत्रमा समेटिएका अधिकांस प्रतिबद्धता पुरा भएको बताउँदै बजेटको सफल कार्यान्वयनका लागि ध्यान दिन आग्रह गरेका थिए । । उनले विकास निर्माणलाई समयमै र गुणस्तरीय रुपमा सम्पन्न गर्नका लागि आ–आफ्नो ठाउँमा निगरानी बढाउन पनि आग्रह गरेका थिए।
कार्यक्रममा नेकपाका जिल्ला सचिब तथा प्रदेश किमिट सदस्य सुदिप कुँवरले सरकारका कामहरुको लाभान्वित जनतासम्म प्रतिफल पु¥याउन तथा प्रतिपक्षीका नकारात्मक हमलाको डटेर सामना गर्न आग्रह गरे । उनले गाउँ गाउँमा पार्टीका गतिविधि प्रभावकारी ढंगले सञ्चालन गर्नुपर्ने बताए ।
नेकपा विहादी गाउँ संगठन कमिटीका अध्यक्ष सविन गुरुङको अध्यक्षतामा सम्पन्न कार्यक्रममा गण्डकी प्रदेश कमिटि सदस्य मेघनाथ सुवेदी, माती पौडेल, राम गिरी, मनरुपा सुवेदी, जिल्ला सदस्य भुक्त कुँवर, पदमपाणी शर्मा र गोविन्द पहाडी लगायतले सम्वोधन गरेका थिए । पार्टी एकतापछि विहादी गाउँपालिकामा ७७ सदस्यीय कमिटी गठन भएको छ ।
त्यसैगरी पैंयु गाउँपालिकामा पनि सपथ ग्रहण तथा प्रथम वैठक सम्पन्न भएको छ । चोकलाल न्यौपानेको अध्यक्षता र रेशम सापकोटाको सञ्चालनमा कार्यक्रम सम्पन्न भएको थियो । पैयुँ गाउँपालिकामा ७३ सदस्यीय कमिटी बनाइएको छ ।
वि.सं.२०७६ जेठ १९ आइतवार १०:२१ मा प्रकाशित
