Sansar News
१९ जेठ, काठमाण्डौं । नेकपाका सांसद खगराज अधिकारीले प्रतिनिधिसभाको बैठकमै आफू ४ पटक लडेको भन्दै सभामुखको ध्यानाकर्षण गराएका छन् ।
सांसद अधिकारीले आफू बसेको कुर्सीको सिट नै हातमा लिएर सभामुख कृष्ण बहादुर महराको ध्यानाकर्षण गराईरहँदा सभामुख महरा भने मुसुमुसु हाँसिरहेका थिए ।
‘चारपटक भयो सभामुखज्यू म यहाँबाट लडेको,’ कुर्सीको सिट देखाउँदै सांसद अधिकारीले भने,‘यहाँ त छलफल गर्नुभन्दा पहिले अहिलेसम्म दुर्घटना भएको छैन, बचिएको छ । तर, यो कतिपटक भन्नुपर्ने हो, संसद सचिवालयले आगामी दिनमा कम्तिमा पनि यस्ता कुर्सीहरु नराखियोस् । यो त धराप भयो, यो त गम्भीर आपत्तिको विषय भएको हुनाले ज्यान जोगाई पाउँ भन्ने अवस्था आयो ।’
सांसद अधिकारीको कुराप्रति गम्भीर रुपले ध्यानाकर्षण भएको सभामुख महराले बताएका थिए ।
वि.सं.२०७६ जेठ १९ आइतवार १६:०४ मा प्रकाशित
