हामी सबैकाे संसारन्यूज

२१ जेठ, काठमाण्डौं । सोलुखुम्बु सदरमुकाम सल्लेरीबाट २५ कोस टाढा पर्छ महाकुलुङ गाउँपालिका ।

उक्त गाउँपालिका सोमबार दिनभरी राष्ट्रिय राजनीतिको केन्द्रमा परिरह्यो । संचारमाध्यमका लागि त्यो ठाउँ दिनभर चासो र खोजीको विषय बनिरह्यो । कारण हो गाउँपालिका ३ छेस्काममा रहेको प्रहरी चौकी सरकारले प्रतिबन्ध लगाएको नेकपाका नेता कार्यकर्ताले रातभर कब्जा लिएको ‘सनसनीपूर्ण समाचार ।’

विप्लवका कार्यकर्ता प्रहरी चौकि कब्जा गर्न आएको सूचनापछि त्यहाँ कार्यरतले चौकी पाँच घन्टा नियन्त्रणमा लिएको जस्ता समाचार आइरहे । घटनाको पृष्टी न प्रहरीले गर्यो न स्थानीयले नै । सनसनीपूर्ण खबरपछि गृहमन्त्रालय सुरक्षा निकायका तीनवटै प्रमुखसहित मन्त्रीको बैठक बस्यो बैठकले त्यसक्षेत्रकमा सुरक्षा निकाय सचेततापूर्वक परिचालन गर्ने निर्णय गर्यो ।

स्थानीय बासिन्दाका अनुसार त्यहा न विप्लवका नेता कार्यकर्ताले धावा बोलेका थिए न कब्जा गर्ने उद्धेश्यले नै त्यहाँ पुगेका थिए । त्यहाँ विप्लवका नेता कार्यकर्ता भने पुगेका थिए । गाउँपालिका अध्यक्ष सागर किराँतीले चौकिमा आक्रमणबारे आफूलाई जानकारी नभएको बताए । मंगलबारको अन्नपूर्णपोष्ट दैनिकबाट