हामी सबैकाे संसारन्यूज

२१ जेठ, काठमाडौँ । हिमालयन हाइड्रो पावर लिमिटेड(Himilayan Hydro Power Ltd.)ले साधारण शेयर(आईपिओ) निष्कासन गर्दैछ । हिमालयन हाइड्रोले रु १०० अंकित दरको २२ लाख ५० हजार कित्ताको २२ करोड पचास लाख रुपैंया बराबरको आईपिओ निष्काशन गर्न लागेको हो ।

कुल निष्कासन गर्ने भनिएको कित्तामध्ये ९ लाख कित्ताको ९ करोड रुपैंया बराबरको शेयर परियोजना प्रभावित स्थानीयका लागि छुट्याइएको छ ।

आईपीओ निष्कासन प्रक्रियाका लागि हिमालयन हाइड्रो र जनता क्यापिटल(Janata Capital)बीच सम्झौता भएको छ । आईपिओ निष्काशन सम्बन्धी सम्झौतापत्रमा जेठ २१ गते हिमालयन हाइड्रो पावर लिमिटेडका तर्फबाट संचालक शिवकृष्ण श्रेष्ठ र जनता क्यापिटलको तर्फबाट कार्यकारी निर्देशक विश्व सुवेदीले हस्ताक्षर गरेका छन् ।

आइपीओ निश्कासन गर्न लागेको हिमालयन हाइड्रोले आगामी दशैंसम्ममा विद्युत उत्पादनको लक्ष्य राखेको छ ।