Sansar News
२३ जेठ, काठमाडौँ । काठमाडौँ महानगरको ३२ वटै वडाले अतिक्रमणमा परेका सार्वजनिक जग्गा फिर्ता ल्याउन थालेका छन् ।
महानगरका वडाहरूले एक सय ४६ रोपनी जग्गा फिर्ता ल्याइसकेका छन् । सबैभन्दा बढी वडा नम्बर ३ ले ६४ रोपनी ८ पैसा अतिक्रमित जग्गा सरकारमातहत ल्याएको छ ।
वडाले सुकुमबासी बस्ती रहेको १६ रोपनी जग्गा पहिचान गी उनीहरूलाई हटाउने काम सुरु गर्न लागेको छ । यी जग्गा सरकारमातहत ल्याउन तयारी थालिएको वडाध्यक्ष दीपक केसीले बताए ।
त्यस्तै, एक सय ३६ रोपनी अव्यवस्थित सरकारी जग्गा पहिचान गरी त्यसमा व्यवस्थित पार्कसमेत बनाइसकेको छ ।
वडा ३ मा काठमाडौँ अस्पतालले ओगटेको ६ आना, बाँसबारीमा रहेको विश्वहिन्दू महासंघले मिचेको २४ रोपनी १२ आना, गायत्री परिवार नामक संस्था रहेको बाँसबारीस्थित ४२ आना सार्वजनिक गरिसकेको छ ।
बिहीबारको नयाँ पत्रिका पोष्टबाट
वि.सं.२०७६ जेठ २३ बिहीवार ०७:२२ मा प्रकाशित
