हामी सबैकाे संसारन्यूज

फ्रान्समा रहेका नेपाली समाजसेवी हरिहर अर्यालको नेतृत्वमा फ्रान्सका साहित्यकारहरु एकजुट भएका छन् ।

अर्यालको संयोजकत्वमा गठन भएको उक्त ‘साहित्यिक मन्च’ मा अनीश त्रिपाठी, अनुराधा पौडेल, बीरबहादुर खड्का, भानु न्यौपाने, राजु खप्तडी बस्नेत, राम पाण्डे, सुजन बानियाँ, सुजन राज भट्ट, सुधीर राना र हरि प्रसाद सापकोटा रहेको समितिका सदस्य सुधिर रानाले जानकारी दिएका छन् ।

नेपाली साहित्य, कला सस्कृतिको संरक्षण र प्रचार–प्रसारमा महत्वपूर्ण भूमिका निर्वाह गर्न उद्धेश्यले मञ्च गठन गरिएको रानाले बताएका छन् ।

साहित्यिक मञ्च स्थापाना भए पश्चात बिभिन्न बैठकहरुमा मूलत : फ्रान्समा रहेका नेपाली साहित्य र सृजनशीलताको बिकास गर्ने उद्धेश्यले साहित्यप्रेमी एवं आपसमा भएका आ–आफ्ना सृजनाहरु किताबको रुपमा प्रकाशित गर्नुका साथै फ्रान्समा बस्ने नेपाली तथा नेपालीमूलका बालबच्चाहरुलाई नेपाली भाषा, साहित्य र सस्कृति चिनाउन एबं रुचि बढाउने किसिमका कार्यक्रमहरु आयोजना गर्ने लक्ष्य पनि रहेको पनि रानाले बताएका छन् ।

रानाका अनुसार नेपाल र फ्रान्सलाई चिनाउन बिबिध बिषय समाबेश गरेर बार्षिक स्मारिका प्रकाशन गर्ने र यो बर्ष फ्रान्स नेपाल दौत्य सम्बन्धको ७० औ बर्षको अवसर पारेर बिबिध बिषय समेटेर विशेषाङ्क स्वरुप स्मारिका समेत प्रकाशन गर्ने योजना रहेको छ ।