हामी सबैकाे संसारन्यूज

२४, जेठ, काठमाडौँ । सन्राइज बैंकले आफ्ना ग्राहकहरूलाई सेवा र सुविधा उपलब्ध गराउने अभिप्रायले देशका विभिन्न भागमा शाखा संचालन गर्दै आइरहेको छ ।यसै क्रममा काठमाडौं स्थित मुलपानीमा बैंकले आफ्नो शाखा संचालनमा ल्याएको हो ।

कागेश्वरी मनोहरा नगरपालिकाको मेयर कृष्ण हरि थापा र सन्राइज बैंकका संचालक समितिका सदस्य बच्छराज तातेडले बुधबार उक्त शाखाको संयुक्त रुपमा उद्घाटन गरेका हुन् ।

उक्त कार्यक्रममा सन्राइज बैंकका निमित्त प्रमुख कार्यकारी अधिकृत आशा राणा अधिकारी लगायत बैंकका पदाधिकारीहरूको उपस्थिति रहेको थियो ।

यो समेत गरी बैंकको शाखा संख्या १०७ वटा पुगेको छ । साथै बैंकले नेपाल अधिराज्य भर ३३ वटा शाखारहित बैंकिङ्ग सेवा, ४ वटा एक्सटेन्सन काउण्टर र १२२ वटा ए.टि.एम मार्फत आफ्ना ५ लाखभन्दा बढी ग्राहकहरूलाई सेवा प्रदान गर्दै आइरहेको जनाएको छ ।

साथै बैंकले नेपालका अन्य स्थानहरूमा पनि थप शाखाहरू संचालन गर्ने योजना रहेको बताएको छ ।