हामी सबैकाे संसारन्यूज

२४ जेठ, काठमाण्डौं । वैदेशिक रोजगार विभागले वैदेशीक रोजगार व्यवसायीका ऐजेन्टका रुपमा काम गरिरहेका व्यवसायीका प्रतिनिधिहरु रहने व्यवस्था खारेज गरेको जनाएको छ ।

वैदेशिक रोजगार ऐन २०६४ को दफा ७४ को उपदफा २ मा गरिएको संशोधित व्यवस्था अनुसार वैदेशिक रोजगार व्यवसायीका प्रतिनिधि (ऐजेन्ट) रहने व्यवस्था खारेज गरिएको बैदेशिक रोजगार विभागले जनाएको छ ।

यसअघि विभागबाट अनुमति लिएर नेपाल भित्रका कुनैपनि स्थानमा आफ्नो संस्थाको प्रतिनिधि नियुक्त गरी वैदेशिक रोजगार सम्बन्धी कामकाज गर्ने गराउने बैदेशिक रोजगारको लागि ईजाजतपत्र प्राप्त सम्पूर्ण संस्थाहरुलाई संस्थाको तर्फबाट नियुक्ति गरिएका कुनै पनि ऐजेन्टलाई काम गराउन नपाइने बताइएको छ ।

‘संस्थाको तर्फबाट नियुक्त गरिएका प्रतिनिधिहरुबाट बैदेशिक रोजगारी सम्बन्धी कुनै पनि किसिमको कार्य नगर्नु÷नगराउनु हुन र गरे/गराईएको पाइएमा वैदेशिक रोजगार ऐन, २०६४ (संशोधित सहित) बमोजिम त्यस्ता संस्था तथा व्यक्तिहरुलाई समेत कडा कारबाही भइ जाने व्यहोरा यसै सूचनाद्धारा जानकारी गराइन्छ ।’ विभागले विहिबार जारी गरेको सूचनामा भनिएको छ ।