Logo
२१ मंसिर २०७८, मंगलवार
     Tue Dec 7 2021
E-paper
  English Edition
   Unicode
Logo

चट्टान फोडेर फूलेको सुनाखरी

बबिता खालिङ, सिक्किम भारत


धरतीको नाङ्गो छातीमाथि
युगौँदेखि तप गरिरहेका
ती कठोर तपस्वी चट्टानहरू
सूर्यको प्रचण्ड तापले
मेघको उग्र वर्षपातले
वायुको फुङ्कार उर्लिआउने सिरेटोले
अझ,
प्राकृतिदेवीको आक्रोशमय
निष्ठुर बज्र प्रहारले समेत
उसको हिम्मतिलो आत्मबल
अनि हौसलाको मनोबल
निःसन्तान पार्न सक्दैन
तर–
अठोट कस्तो हो
ती साना बिजाङ्कुरको
प्रयत्न कस्तो हो
त्यो सूक्ष्म शरीरको
हजारौं कष्टको कष्टमय कुम्लो
प्रयासिलो नाम्लोले ओकलेर पनि
अथक प्रयत्नको अखण्ड दीप
प्रज्वलित गर्दछन्
अवरोधका विविध बलिष्ठ चट्टानहरू
फोड़ेर पनि
सफलताको प्रतिक स्वरूप संघर्षिलो कापबाट
आफ्नो साँघुरो जीवनलाई
फराकिलो आत्मविश्वासको सशक्त कोशिशहरूले
फूलाएरै छोड़दछन् ।
यथार्थ हेर !
भावीले कुँदेका एक–एक भाग्य
यथावत् छ
तर…..
परिभाषा उनमा अनेक छ
सन्घर्षका अनुभवी तितो पलहरूमा
परिश्रमको नुनिलो कदमहरूले
शब्द–शब्द परिभाषित गरे
भावी शब्दकोषका तमाम पृष्ठहरूमा
एक–एक जटिल शब्द
सरल बन्ने छ ।

 

उर्वर परिस्थितिमा
मलिलो परिवेश नभए तापनि
साहसको सिङ्गो वेगमा चट्टान तोड़ेर पनि
विश्वलाई विजयको पताका फहराइ
जिउँदो मृत्युको
हाँसो हाँसेर देखाउँदछ
यसरी रूखो क्रान्तिको विगुलसँगै
सुनाखरी !

आधुनिक महाभारतको जाली चक्रव्यूहमा
दिनहुँ फँसिरहेछन्
षड्यन्त्रकारी द्रोणाचार्यको साम्राज्यमा
निर्दोष अनि निमुखा अभिमन्युहरू
तर…
अन्तर हृदयको
गहिरो चेतनामा
प्रयत्नको डुबुल्की हाले
निस्सासिए तापनि सफलताको मोती
निश्चय मिल्ने छ
अनि चक्रव्यूह तोड़ी
आफूलाई वीर घोषणासँगै
चक्रव्यूहलाई चकनाचुर पारी
सूरवीर भई निस्कने छ ।
तराजुरूपी संसारको
भेदभावी पल्लाहरूमा
जति थोर
उति माथि
जति धेर
उति तल
यो धेर–थोरको होडबाजीमा
कति सूक्ष्म शरीरहरू
भ्रमजालको चक्रभित्र अलमली रहेछन्
यहाँ धेर भए उर्वर
थोर भए बञ्जर छ
तर…….!
उर्वर परिस्थितिमा
मलिलो परिवेश नभए तापनि
साहसको सिङ्गो वेगमा चट्टान तोड़ेर पनि
विश्वलाई विजयको पताका फहराइ
जिउँदो मृत्युको
हाँसो हाँसेर देखाउँदछ
यसरी रूखो क्रान्तिको विगुलसँगै
सुनाखरी !
चट्टानभित्रको बाँझी कापबाट
आकाश छुने
क्षितिज चुम्ने
तृप्तिको हाँसो हाँस्दछ ।


यो खबर पढेर तपाईलाई कस्तो महसुस भयो ?

काठमाडौं । नेपाली बजारमा सुनको भाउमा तिब्र उतारचढाव आइरहेको छ । सोमबारको बजारमा प्रतितोला

काठमाडौं । जनवादी गायक जीवन शर्माको एउटा तस्बिर अहिले सामाजिक सञ्जालमा भाइरल छ ।

काठमाडौं । पाल्पाका राजेश थापाको बिहीबार बिहान ११ः३० को एयर अरेवियाको जी–९५३१ नम्बरको फ्लाइटबाट

काठमाडौं । पाँच दलीय गठबन्धन भाँडिने अवस्थामा पुगेको छ । आगामी आमनिर्वाचनसम्मै गठबन्धन कायम