हामी सबैकाे संसारन्यूज

२५ जेठ, मलेसिया । मलेसियामा रहेका एक नेपालीको मृत्यु भएको छ ।  मलेसियाको कोतरायमा साइनो रेष्टुरेण्ट सन्चालन गर्दै आएका मोरङका सन्तोष खड्काको मृत्यु भएको हो ।

केही समयदेखि ज्वरो आएका कारण ६ मेका दिन आफैं हिँडेर उपचारका लागि चेरास अस्पताल पुगेका उनको आज (शनिबार) मृत्यु भएको जनप्रगतिशील मंच मलेसियाका अध्यक्ष प्रेम पाण्डेले संसारन्युजलाई जानकारी दिएका छन् ।

उनको मृत्यु डेंगु मलेरियाका कारण भएको अस्पतालले जानकारी दिएको छ ।

झण्डै ८ वर्षदेखि मलेसियामा रहँदै आएका खड्का रेष्टुरेण्ट व्यवसायका अलावा सेक्युरेटि इन्चार्जका रुपमा पनि काम गर्दथे ।

अन्दाजी ३५ वर्षे खड्काको मृत्युको खबर परिवारमा पुर्याइसकिएको र परिवारबाट कागजातहरु आएपछि शब नेपाल पठाइने पनि पाण्डेले बताए । हाल उनको शब अस्पतालमै राखिएको छ ।