हामी सबैकाे संसारन्यूज

२६ जेठ । एशियन लाइफ इन्स्योरेन्स कम्पनीले बिक्री नभएको हकप्रद २ लाख २१ हजार कित्ता शेयर लीलामीमा बिक्री गर्ने भएको छ । कम्पनीले असार १ गते देखि त्यस्ता शेयर लीलामी गर्ने भएको हो ।

कम्पनीले २०७५ चैत २५ गतेदेखि २०७६ बैशाख २९ गतेसम्म हकप्रद सेयर बिक्री खुला गरेको थियो । हकप्रद शेयर दावी गर्न नआएका शेयरधनीको हिस्सा बापतको टेण्डरमार्फत लिलाम गर्न लागिएको हो । २ हजार ४ सय २० दशमलव ७० कित्ता संस्थापक शेयर र २ लाख १८ हजार ९३९ दशमलव ३ कित्ता जम्मा २२१३५९.७३ कित्ता सेयर बोलपत्रद्वारा बिक्री गर्न लागिएको हो । यस्ता शेयर किन्न इच्छुक व्यक्तिले असार ८ गतेसम्म बोलपत्र(टेण्डर) पेश सक्नेछन् । शेयरको न्यूनतम मूल्य प्रतिशेयर रु. १ सय तोकिएको हूँदा सो वा सो भन्दा बढी मूल्य अंकित गरी बोलकबोल गर्नुपर्नेछ ।

आवेदकले शेयर खरीदका लागि बोलकबोल पेश गर्दा संस्थापक समूहतर्फ न्यूनतम १ हजार कित्ता र सर्वसाधारण समूहतर्फ न्यूनतम १ सय कित्ताका लागि आवेदन दिन सकिन्छ । अधिकतम शेयरका लागि कुनै हद लाग्ने छैन ।
बिक्री प्रबन्धकमा एनआईबीएल एस क्यापिटल लिमिटेड छ ।