हामी सबैकाे संसारन्यूज

३० जेठ, झापा । तीन साताअघि मेचीनगर–९ को वडा कार्यालयमा पुगेर ८१ व्र्षकी गंगामाया बस्नेत डाँको छाडेर रोइन् । ‘बाबु मलाई ८ वर्षदेखि छिमेकीले बोक्सीको आरोप लगाइरहेका छन्,’उनले वडाध्यक्ष गोपाल खड्कालाई भनिन्, ‘ यति दिनसम्म सहेरै बसेँ । अब त अति भो म कहाँ जाऊँ ?’
धुलाबारीस्थित पाथीभरा टोलमा ‘माताचोक छ’ त्यहाँ मन्दिर बनाएर बसेकी छिन् आफूलाई माता बताउने पबित्रा सिवाकोटी । उनीकहाँ एकदिन सोही वडाकी कुमारी चम्लागाई ग्रहदशा हेराउन गइन् । माताले चम्लागाईलाई बक्न लगाइन् । चम्लागाई तिनै ८१ वर्षीय वृद्धा भनेर भनिन्,‘ म बस्नेती आमै हुँ । गोपाललाई मैले नै खाएँ । खसी पनि मैले खाएँ । १२ बजे राति नाच्छु । मेरी छोरी पनि मसँगै नाच्छे ।’वडाको न्यायिक समितिले निवेदन लिन मानेन। त्यसपछि उनी ७ जेठमा प्रहरीकहाँ पुगिन् । वडाले गाउँको विवाद हामी गाउँमै मिलाउँछो भनेपछि प्रहरीले पनि उजुरी लिएन ।
बिहीबारको नयाँ पत्रिकाबाट