हामी सबैकाे संसारन्यूज

३० जेठ काठमाडौं । मकवानपुरको राक्सिराङ गाउँपालिकामा सुख्खा पहिरोले डोजर पुरिंदा २ जनाको घटनास्थलमै मृत्यु भएको छ । मनहरी इलाका प्रहरी कार्यालयका प्रहरी निरिक्षक विरेन्द्र पनेरुले दिएको जानकारी अनुसार डोजर सहित पहिरोमा पुरिने चितवन शक्तिखोरका रोशन बुढाथोकी र संदिप श्रेष्ठ रहेका छन ।

राक्सिराङ गा.पा. ८ थाहाढुङ्गामा गएको सुख्खा पहिरो निरन्तर खसिरहँदा उद्दारकार्यमा ढिलाई भएको पनेरुले जानकारी दिएका छन । अहिले मनहरी र तान्द्राङको प्रहरी घटनास्थलमा पुगिसकेको छ । घटनास्थल मनहरीबाट ४५ किलोमिटर टाढारहेको प्रहरीले जनाएकोछ । डोजरले भूमी व्यवस्था तथा सहकारी मन्त्रालयले निर्माण गरिरहेको कृषि सडकको ट्र्याक खनिरहेको थियो ।