हामी सबैकाे संसारन्यूज

३१ जेठ, काठमाडौँ । चाबहिलस्थित ओम अस्पातमा पित्तथैलीको पत्थरी निकाल्ने क्रममा सानो आन्द्रा काटिएपछि बिरामीको मृत्यु भएको छ । सिन्धुपाल्चोकको इन्द्रावती गाउँपालीका –१० की ५० वर्षीय रामप्यारी थापामगरको बिहीबार बिहान मृत्यु भएको हो । मगरको गत शुक्रबार शल्यक्रिया गरिएको थियो । डा. रविन कोइरालाको टिमले पत्थरी निकाल्ने क्रममा काटिएको आन्द्रा नजोड्दा शरीरमा स्रक्रमण फैलिएर मृत्यु भएको आफन्तको आरोप छ । अप्रेसनका क्रममा काटिएको आन्द्रा त्यत्तिकै छाडेर बाहिर छाला मात्रै जोड्दा संक्रमण भएर ज्यान गएको मृतकका बैनीज्वाइँ खड्ग श्रेष्ठले बताए । घटनाबारे अस्पतालले भने कुनै प्रतिक्रिया दिएको छैन । शुक्रबारको नयाँ पत्रिका दैनिकबाट